Train accident in Namibia

[Luca Lategan]

It looks like it was not a good day AT ALL for the transport industry today.

While searching for more news about the Shosholoza incident in Afrikaans, I also came across the following:

OMSTREEKS vieruur vanoggend is 'n 12-jarige meisie dood en ’n onbekende getal mense beseer toe ’n passasierswa van ’n trein op die rangeerwerf van Mariental ontspoor het.

Volgens beskikbare inligting was die trein met vier passasierswaens en 'n goederewa met vier lokomoetiewe op pad na Keetmanshoop. Die trein het skaars weggetrek toe waens losgekom met van die lokomotiewe. Die masjinis het dit agtergekom en begin terugstoot om die waens weer te haak. Hy moes hom misreken het met sy spoed of die waens was dalk nog aan die beweeg toe hy teen hulle gebots het.

Die geweld van die impak het die wa opgefrommel en van die spoor afgeruk. Die eerste inligting was dat die 12-jarige meisie dood is en passasiers beserings opgedoen het. Vier mense was nog vasgepen en noodreddingswerkers was besig om hulle te bevry. Die beseerdes is na die staatshospitaal op Mariental afgevoer.

’n Ondersoek deur TransNamib is onmiddellik van stapel gestuur. ’n Volledige verslag sal volg.

In short: In the shunting yard of Mariental in Namibia this morning a 12 year old girl was wounded to death and an unknown number of people injured when a passenger coach derailed. The train consisted of four passenger coaches, a goods wagon and four locomotives and was destined for Keetmanshoop. The train hardly started to move when the wagons detached from the locomotives, the driver realised and set back, he miscalculated the speed of the wagons and hit them, the impact deformed the coach and pulled it off the rail. More information will follow.

Have a look at the picture at the link in the quotation.

[Luca Lategan]

More about the Namibian crash. Just more information, but the fataly injured girl had been confirmed as a boy now.

Have a look at the photos! Quite bad.

’n TREINONGELUK vroeg gisteroggend op Mariental het die lewe van ’n seuntjie geëis en sowat 42 passiers beseer, van wie een in ’n kritieke toestand is.

Die ongeluk het omstreeks 04:00 plaasgevind toe ’n passasierswa van ’n gemengde trein op die rangeerwerf van Mariental ontspoor het. Die trein met twee passasierswaens, 24 goederewaens en vier lokomotiewe was onderweg na Keetmanshoop. Die trein met 95 passasiers aan boord het skaars weggetrek toe die waens losgekom het van die lokomotiewe.

Volgens die polisiebevelvoerder van die Hardap-streek, adj.komm. Kobus Meyer, het die masjinis sy fout agtergekom en teruggestoot om die waens weer te haak, hom met die afstand of spoed misgis en teen hulle gebots.

Die geweld van die impak het die wa opgefrommel en van die spoor afgeruk. Die polisie en noodreddingswerkers was dadelik op die ongelukstoneel en moes passasiers bevry wat in die waens vasgepen was.

Die oorledene is dood aangetref in ’n wa, het adj.komm. Meyer gesê. Altesaam 42 beseerdes is na die staatshospitaal op Mariental geneem van wie 41 net ligte beserings opgedoen en dadelik ontslaan is, het me. Berta Katjivena namens die hospitaal gesê. Sy sê net een passasier is vir waarneming en behandeling in die hospitaal opgeneem, maar is nie ernstig beseer nie.

’n Verklaring van TransNamib lui egter dat een passasier in ’n kritieke toestand verkeer en na ’n hospitaal in Windhoek oorgeplaas is. Volgens adj.komm. Meyer was al die passasiers gistermiddag uit die treinwrak verwyder en was die pad oor die spoorlyn reeds oop vir verkeer nadat die treinwaens weggestoot is.

Opruimingswerk is nog aan die gang met treinwaens wat met spesiale swaartoerusting van die spoor af gelig moet word. TransNamib is besig met ’n interne ondersoek om die oorsaak en skade van die ongeluk vas te stel, lui hul verklaring.

“Namens TransNamib dra ons ons innige simpatie aan die familie van die oorledene oor,” sê die waarnemende hoof uitvoerende beampte van TransNamib, mnr. Albertus !Naruseb.

Die oorledene, wie se ouderdom tussen 10 en 12 jaar geskat is, se naam mag nie bekend gemaak word voor sy naasbestaandes in kennis gestel is nie.

“Ons waardeer ook die hulp wat ons van die veral die polisie en nooddienste ontvang het,” het mnr. !Naruseb gesê. “Die situasie is onder beheer.”

Senior personeel van TransNamib en noodspanne het dadelik na die toneel vertrek. Busse van TransNamib het gisteroggend om sesuur uit Windhoek vertrek om die passasiers na Keetmanshoop te vervoer.

Persone met enige navrae kan TransNamib se kantore in Windhoek skakel.

Dit is die enigste noodlottige treinongeluk wat vanjaar in die land plaasgevind het. ’n Saak van strafbare manslag is deur die polisie teen die masjinis aanhangig gemaak, het adj.komm Meyer bevestig.

• Buite Potchefstroom is ’n treindrywer gister dood toe twee passasierstreine langs die Carletonville-pad in Boshoff gebots het, berig News24. Tagtig mense is in die ongeluk beseer.